v''e allicordate a Stalin e a Mao?
si! propeto chille d''e rivoluzioni,
ca vuleveno cagnà 'a sciorta d''e nazioni.

alluccaveno ca pe' campà 'npace 'ncopp''a terra
nun ce aveva essere differenza 'e natali,
tutti avevano campà tale e quale.

quanno 'o munno s'è cagnato,
russi e cinesi se so' adattati
e pure lloro se so' aggiornati.

se so' scurdate d''e rivoluzioni,
io uguale a tte nun sia maje!
accussì so' arrivate tutt''e guaje.

pure llà chi tene 'o jotto a' mmare
e se magna ll'aragosta e 'o caviale.
nce stà invece chi nun tene niente
e se add'accuntentà cu 'nu piatto 'e pulenta.

'O facette capì Totò ca fù 'nu grand'ommo
ca nun ci stà niente 'a fà 'ncopp''a terrra...
sulo all'atu munno aropp''a morte
addeventammo tutti ugulali stuorte o muorte.