‘O LIDO MAPPATELLA

‘A mmare e vecchie sotto ‘e brellune
‘nterra ‘a rena nu sacco ‘e uagliune,
chi joca ‘a palla , chi ‘o tiro a’ fune,
‘e vide tutte allere so’ signure!
Ce sta ‘o signore cu ‘o giurnale n’faccia ,
ca sta ‘a quatt’ore ‘o sole e nun s’appiccia,
ce sta ‘a signora chiatta ‘ca ‘o sole spanna ‘o grasso,
mentre ‘o marito ‘a guarda e pensa, ì che se passà!
‘E rradio appicciate, ca nisciuno sente
continuano a da’ nutizie malamente,
nu ferito e dduie muorte ‘a Frosinone
‘a Napule è affugato nu uaglione.
Sta spiaggia s’è affollata ‘e gente
chi parla, chi allucca, chi dice parole fetente.
A mmiezu iuorno cu ‘a marenna ‘mmano,
magnano pane e rena sti bagnante,
e mentre passa na nenna provocante,
sgranano ll’uocchie quase tutte quante
vìde ‘o matusa ca guarda cu sullazzo
pensanno n’ capo a isso ì che bella tazza.
E’ sera tornano ‘a casa cu priezza
Lascianno n’terra ‘a rena, na munnezza.
Chesta è na iurnata bella , ‘n terra ‘o lido mappatèlla!