TAMMORRIATA DE CICCIANO


Vuie ‘e vedite stanno ccà, li paranze pe’ cantà.
Cu tammorre e tammurrielle fanno ‘a musica cchiù bella.
Se ne vanno pe’ li viche, abballanno cant’ antiche
Cu stu suono e’putipù, viene e abballa pure tu.
‘O mutivo pare ‘o stesso, ma ‘a votata vene ampressa!
votata
Vuie vedite stanno ccà, mò ‘a Cicciano pe’ ballà,
balleno vecchie e criature, abballanno so’ signure.
Vuie vedite la pacchiana, move’e zizze e mov’ ‘e mmano.
Si te guarda’ dint’ all’uocchie, te se ‘ndostano ‘e denòcchie
Cu stu ffuoco ‘e Sant’Antuono, c’è chi balla c’è chi sona!
Votata
Cu stu ffuoco e sta pacchiana, ballo‘a mò sin’ a dimane
Ballo e canto sta canzone cu li castagnette mmano
Comm’ è bella sta nottata, fac’ friddo e sto surato.
Sto surato abballo e canto cu allerezza e chi st’annanze
E cu ‘o vino ‘e zì Nannina, abballo ‘a mo ‘nzì a’ matina
Votata
Uè rallenteno e paranze, cu’e tammorre sempe ‘nnanze.
S’ è già fatta la matina e s’addormeno ‘e curtine
Pur’ ‘o ffuoco s’è ammusciato, ma ‘o cafone s’è ‘mbriacato
S’è ‘mbriacato chistu core, da pacchiana chè ll’ammore.
Nu pagliaro aggio sunnato e nu vaso l’ aggio dato!


BRIENZA GIANFRANCO