Vulesse fa' 'o purtiere pe ‘na sera
pe' te pute' vede' quanne te suse
o quanno te mantiene p'a ringhiera
Cu chella grazia e Venere formosa

E po' pruvasse a darte nu vasillo
senti' ‘o musso mio che t’accarezza
liggenno che te passa int'o cervello
se te fa scuorne…e jo che ssò munnezza!?

E crireme t'o ggiuro ‘ngopp' e sante:
pure se ti fa scuorno te vasasse,
l’ammore che mo provo è assje importante
e pe' 'st'ammore 'a vita mia perdesse

pe' chisto ammore stutasse pure 'a luna
c' ha fatto 'nnammura' 'e ‘nnamurate
facesse 'e 'stu surriso 'na furtuna
che nun spartesse maje cu' nisciun'ato.

E vabbuò.


@
ringrazio R.N. per la collaborazione
e l'assistenza per il dialetto napoletano
@