Uagliù! Nun date retta, statève 'a casa!
Lasciate sta' l'Irak e gli iracheni.
Nun date retta a Bush e 'a Berluscone
'e figlie lloro, nun vanno 'a guerreggià!

Nun date retta a' tutte 'e parulune
p' 'a patria, pe l'onore e a' libertà.
Nun l'esportate cchiù 'a democrazia
cu carre 'e guerra, arioplane e batterie!

Statève 'a casa nun date retta 'e pazze
guardàteve 'e cumpagne da Croazia.
Ca pe tumure, vanno cadenno 'a piezze
l'uranio esaurito... nun 'e sullazza!

Nun so' l'euro 'e cchiù ca aiutano 'a campà!
L'americane là, hanno sparato 'e tutto
e pure 'o fosforo, in grande quantità
ca manco dint' 'e càpe... mo' cio può truvà!

Autore: gianfranco brienza