BUCHI ‘NTA RITI DI PISCA

La riti di pisca è stinnuta p’asciucarisi
li pirtusi sannu a riparari sarcennuli a regula d’arti
lu compitu è di maistria nun cumuni.
Eccu…
li mani ‘sperti pigghianu la vugghia e infilanu lu cuttuni.
Li facci di piscaturi sunnu sempri li stissi,
l’opira chi fannu è autra cosa.
Abbruciati du suli,
scavati intra li facci,
sutta l’ummira da birritta,
si travagghia pi uri e uri.
Cu canta,
cu parra di picciuli ca nun bastanu mai,
cu sparra l’amicu pinsannu ca l’àutri fannu lu stissu cu iddu.
Eccu…
comu passa lu tempu pi chiuriri ‘sti toppi.
A finuta du travagghiu,
si cuntrolla la magghia e sempri scappa ‘na bistimmia pi ’na diminticanza.
Lu piscatori…
è accussì pricisu, picchì sapi ca lu pani è duru di guadagnari.
Un bucu nun chiuiutu nta la riti…
è una sacchetta vacanti di picciuli pi la famigghia.

Traduzione
“Buchi nella rete da pesca”

La rete da pesca è distesa per asciugarsi
i buchi si devono riparare con maestria non comune.
Ecco…
le mani esperte prendono la forcella e il filo di cotone.
Le facce dei pescatori sono sempre le stesse,
l’opera che svolgono è tutt’altro.
Bruciati dal sole,
scavati nei volti,
sotto l’ombra del berretto
lavorano per ore ed ore.
Chi canta,
chi parla di denaro che non basta mai,
chi sparla l’amico pensando che gli altri facciano la stessa cosa.
Ecco…
come passa il tempo per chiudere le toppe.
Al termine del lavoro,
si controllo la trama e sempre scappa una imprecazione per una dimenticanza.
Il pescatore…
è così rigoroso e preciso, perché sa quanto è duro sacrificarsi per guadagnare un pezzo di pane.
Un buco non chiuso nella rete,
è una tasca vuota di denaro per la famiglia.