Aiz’ ‘a capa
e guardame ‘nfaccia,
t’aggio riconosciuto.
Pecchè nonostante ll’uocchie
apparecchiate e ‘o russetto,
si tu…l’amico mio.
Io sò cuntento ‘e te vedé,
e tu nun t’j’’a mettere scuorno
pecchè sìmme tutt’eguale.
Ognuno tene ‘na diversità che
ce accomuna: chi è giallo, chi è
niro, chi è curto, chiatto, ebbreo,
cristiano…
E po’, si te pò ffa cuntento,
cchiu ‘e ‘na perzona
quanno era guaglione
è sulo pe’scuorno ca nun
s’è dichiarato ricchione.