Nu ritto viecchio e Munteforte rice:
-A Munteforte nun cercà pane
e nun bussà a pporte;
si vieni pi ddanare
vieni oggi e vieni craìe;
si vaie pi la corte
loro 'anno raggione
e tu 'aie tuorte.-
No! Ma nun è o vero
ca simme accussì ammalamente
a mosca 'nnanz'o naso
non ci facimmo passà sulamente.
Si! E' ppure vero ca simme nu poco
'nfumusi, ma cche ci vuoie fà,
passata la raggia, simme ospitali e
bbuone, tinimmo o core tennero e
rispittamo li traddizioni.
Da ogni parte sò vinuti a Munteforte
s'anno accattata a terra,
se song' fatte e 'ccase e mò
di stu paiese poco e niente c'arrimane.
-T'arricuorde Cuncè quanno
a lu tiempo passato
ce ne ièvemo a faticà?
Comm'era bbuone quire ppane tuosto
int'a a sarcinella!
Pane n'a frittata e cipolle e na buttiglia
e vino,
fatica e cantà, cantà e fatica
e la jurnata se ne ieva liggiera, liggiera
e accussì pure Pasqua e Natale
ìerano lu premio di na vita!
Statte bbona Cuncè ci simmo ritruvate,
mò chissà quanne ci virimmo,
forse ci virimmo a lu Criatore,
picchè int'a stu munno bbuone
cchiù nun ci truammo.
Stasera ò, bbì, figlieme porta e criature
a lu Macdonàld a fistiggià:
lu complianno d'o piccirillo,
nuie quanne maje li viremme sti ccose?
Beh! Tiramme a campà cu li
ricuorde dì na vota!
E a nnuie poco ce ne 'mporta.
dedicata ai Montefortesi
aprile 2004
Mablu'