'O Pataterno ha fatto tante cose bbone,
ma quanno a criato 'a mamma
ha raggiunto a perfezione.
ha fatto 'a cosa chiù bella d''a criazione.

ha faticato sette juorne
e s''e' fermato sulamente
quanno s'è accorto c'aveva ncarrato
'a cosa chiù bella d''o criato.

e tu, figlia 'e chella mamma
m''è tenuto npanza cu ammore,
m''è dato 'o latte d''e mammelle
m''è crisciuto comm''a 'n'angiulillo.

quanno po' nun me l'aspettavo,
tu dolcemente te ne si' ghiuta.
ma nunn''è overo ca sulo m''è lassato,
tu staje sempe vicino a mme aggrazziata.

nun te veco ma te sento.
pure oggi ca so' vicchiariello
me accarizze quanno dormo
e me prutiegge ogni ghiuorno.

e io so' sicuro,
ca quanno è ll'ora
ca me pe' mme se stà stutanno 'a candelella,
già saccio ca io chiammo a tte: mamma mia bella!