Chesta matina me so' scetato
e n'copp''a 'na cosa aggio penzato...
pe' televisione hanno ditto
ca 'nu calciatore e' cagnato squadra pe' diritto.

'O puveriello se lamentava
ca c''o stipendio nun ce 'a faceva,
sule cinche mmeliune 'int''a 'n'annu sano (*) (intero)
pe' isse so' pochi solde mmano.

aggio penzato a chillu faticatore (*) (lavoratore)
ca spanteca (*) ogni iuorno ott'ore ( spasimare)
pe' isse e' ggià ' na mpresa
se piglia mille euro 'o mese.

aroppo 'n'anno ca tredicesima compresa
pe' accucchia (*) trirecemila euro e' 'n'ata mpresa. (guadagnare)
quanto adda campà , faciteve 'stu cunto curiuso
pe se abbuscà (*) quanto a 'n'anno d''o lamentuso. (guadagnare)

mettiteve assettate 'ncopp''a 'na seggia,
frische frische 'ncopp''a loggia,
c''a botta è ffortee pe nun subì danni...
ascurtate a mme:< adda capà tricientecinquant'anne,