Vide 'nu poco che fine...
pe colpa 'e 'na mela,
ca puteva essere pure vermechiata,(*) (Bacata)
avimmo fatto 'ncopp''a 'stu criato.
pure Tu, me pare
ca si stato 'nu poco curiùso....(*) (Strano)
si Eva nun sa puteva magnà
che c***o ce ll'aje misa a ffà?
tu ca cunuscive 'o presente,
'o passato e 'o futuro
pecchè e' fatto chella asciuta? (*) (uscita)
ca ggià sapive comme fosse fernuta.
oggi stemmero tutti cchiù cuiete (*) ( tranquilli)
si Tu t''a sparagnave (*) chella azione (risparmiavi)
e te cacciave (*) 'n'ata invenzione. ( facevi)
o' posto 'e 'na mela vermechiata,
putive fa' 'na cosa cchiù bella,
'nce mettive 'na bella sfugliatella. (1)
'O ssapive ca o' serpente
nu nce piace 'o ddoce
e nun l'avesse propeto addurata (*) ( considerata )
e a Eva nun ll'avesse tentata...
1-Dolce napoletano, fatto con sottili strati di pasta frolla ripiena di crema e frutta secca.