A Napule quanno se nasce malamenta (1)
o nu pueta o camurrista s'addeventa.

'O pueta se sciacea (2) all'aria e 'o sole,
n'copp''a 'na seggia assettato (3)
'int''a tutta 'a jurnata.

isse scrive 'ntramente (4) penza
e penza 'ntramente scrive
e se sente sempe vivo.

certamente quaccuno 'o sfotte, (5)
ma isse, senza penziere, se ne fotte.
camparrà pure 'a pezzente,
ma cient'anne sicuramente.
----------------------------------------
'O camurrista nun po' stà 'ncopp''a 'na seggia
manco pe se fà n'arrupusata,
o quaccuno nce guasta 'a jurnata.

tene paura ogni mumento,
ca quaccun''o fà addiventà 'nu monumernto.
'O piello 'e se salvà penza sule
e nun se sciacea maje o' sole.

quanno esce p''a via è sempe accumpagnato
'a 'na chioppa (6) 'e malavita.(7)
tene e sorde (8) e 'na catena 'npietto
ma nun trova mai arricietto. (9)

'A notte e 'o juorno pe' isse,
songhe sempe 'a stessa cosa...
nunn'arreposa manco pe nu juorno
o quaccuno 'o fotte 'nzuonno. (10)
----------------------------------------

i' l'aggi'avuta ll'occasione,
v''o giuro ncopp''a vista
'e fà 'o pueta o 'o camurrista...

aggio vuluto fa' 'o pueta
e crero c'aggio 'ncarrata ...(11)
nun veco 'nu sordo maje
ma campo pure senza guaje.

1-malamenta-disagiatamente
2-sciacea-rilassarsi-godere
3-assettato-seduto
4-'ntramente-mentre
5-sfotte-prendere in giro
6-chioppa-coppia
7-malavita -delinquente-
8-sorde-soldi-moneta-
9-arricietto-pace
10-'nzuonno-mentre dorme
11-'ncarrata-fare la sceta giusta