Pe' accirere pure 'e ccriature...
attila...Te si' reincarnato...
'O rrè deli Unni si' turnato.

aroppo tantu tuempo
si' vvenuto 'ncopp''a terra
pe' scatenà 'n'ata guerra.

tu dice ca si' arrivato
pe' eliminà e nazisti
e 'o ffaje a nomm''e Giesù Cristo.

t'aggio visto pe' televisione
ca te faje pure 'a croce,
e a Isso 'o miette n'ata vota 'ncroce.

ma tu chi si'?
'Nu fascista o 'nu comunista?
nun si' niente e tutte chesto.

ti si' 'nu povero ommo!!!
m''a notte duorme 'int'o lietto?
m''o tiene 'o core 'npietto?

chillu criature ca tu accire,
te po' essere 'nu figlio...
nunn''o vide ca te assumiglia?

nisciuno animale 'ncopp''a terra
accire 'o figlio suoje,
nun vide ca è d''a razza toja?

te putesse dicere: ca è murì ampressa,
ma 'o Signore nun vole e malamente
e tu ciente anne campe sicuramente.

turnatenne addò ne si' vvenuto...
tu appartiene a 'n'atu munno...
primma c''a terra 'a manne 'nfunno.

( se qualcuno vuole la traduzione in italiano basta CHIEDERla, si perdera' qualcosa, ma il significato RImane)