All'atu munno ci stava 'nu Signore,
ca si 'o facive 'ncazzà
nun tardava a te castigà.

se Isse oggi, facesse a stessa cosa,
quacche militante comunista
'o facesse addiventà fascista.

aroppo chillu Signore mannaje 'ncopp''a terra
'o Figlio suoje pe' cunfurtà 'e puverielle
ca nu' tenevano pe' magnà 'e baccalà manco 'na scella.

se 'nce 'o mannasse oggi, pe' cunvenienza,
s''o vulessero accaparrà a primma vista
facennelo addiventà 'nu vero comunista.

e no! amici miei cari e belli,
se pe' vvuje 'o Criatore nun esiste
'nce ll'avite lascia a lloro ca so' fasciste!