Me sceto 'a matina
appiccio 'a luce
e 'nce pago 'e tasse.
vaco 'int''o bagno
faccio 'a pipì
e 'nce pago 'e tasse.
mi sciacquo 'a faccia
e 'nce pago 'e tasse.
vaco 'int''a cucina
appiccio 'o gas
e 'nce pago 'e tasse.
faccio culazione
e 'nce pago 'e tasse.
esco, piglio l'ascenzore
e 'nce pag0 'e tasse.
piglio 'a macchina
'a metti in moto
e 'nce pago 'e tasse.
parcheggio 'a macchina
e 'nce pago ' e tasse.
faccio 'a spesa pe' magnà
e 'nce pago 'e tasse.
vaco ra' guaglione
voglio fa' ll'ammore,
ma chella me dice
c'aggia pava...
quanno me lamento
me risponne:
< paghi tutt''e tasse
e sule cu mme te lamiente?
'Nce rinunzio...Scenno abbascio
e trovo 'nu signore
cu'na maschera 'nfaccia
e 'nu cuntatore 'ncopp''a fronte...
'O riconsco... lle dico:
< Nè! Viciè, aggio capito ca tiene paura
d''o virus...Ma manco puo'
essere ca te cumbine a cchistu modo...
hanno ditto ca basta 'na mascherina...
e puo' sta' sicuro...>
< Romè, m''a tte nun hanno ditto niente?
nunn''è sentuto manco 'a televisione?
da oggi è obbligatorio portare questa attrezzatura...>
< Ma pecchè 'stu virus è addiventato pericoloso assaje?>
< Ma cch''è capito? Chesta
attrezzatura nun serve pe' cumbattere 'o virus...
hanno 'amisurà ll'aria ca respirammo,
e 'o cuntatore che me hanno miso 'nfronte
serve pe' misurare quanto ne consumo...>
< E che se ne fanno quanno ll'hanno saputo?
< 'Nce hanno fa' pavà chella consumata...>
< Pozzeno jettà ' sango!
chille ca 'nce uvernan s''a mettono chesta attezzatura?>
< Nun possono! 'O posto già è occupato da 'n'atu marchingegno
ca serve pe' mmusurà 'e ccorne ca teneno 'mfrone!>