Aggio capito ca pe' tte duimila anne
so' sule minute dduje ….
Ma è tantu tiempo pe nnuje...

torna! Fallo p''a nonna
toja ,ch'è 'a mamma d''a madonna.
'O saccio ca te avimmo miso 'ncroce..
.e te sì pigliate collera e rimasto senza voce...

i' crero a' parola 'e Giesù Cristo...
tu 'nce prumettiste ca turnave
'ncopp''a a chesta terra
pe' guvernà mill'anne cca 'nterra.

tu fa' 'mpresso , ca si 'nce lasse
ancora sule, nuje tuccammo 'o funno...
e 'o facimmo scumparì chistu munno.

tu po' e venì 'a tanto luntano...
che faje si nun 'nce truve cchiù niente?
che 'nce dice a papà tuoje
ca haje fatto tarde e nunn'è colpa toja?

'O ssaje ca è vicchiariello
po' se 'ncazza e chillo
nunn'arraggione cchiù c''o ceraviello.

'O saccio ca ll'universo
è gruosso assaje
e pe' o guvernà è nu turmiento
e se perde tantu tiempo...

che 'nce vo' pe' tte?
haja perdere sulo 'nu minuto
mitte a posto 'e ccose e tutto è fernuto...
po' te ne turne 'Mparaviso.

e 'e ffaje sta zitte
a tutte 'sti curnute|