re la7 re
rusella ca ‘ngimme a ‘sse spine
re la
li panne tu mitte a ‘ssucà,
sol re
hai viste ca ra stammatine,
la7 re
quaccune te staie a spià.
********
hai viste ca ra stammatine
quaccune te staie a spià.
°°°°°°°°°°°°
nun bire ca n’ombra vecine
te guarda e continua a guardà,
ra quanne, cu lu uantesine,
pe fore si giuta a lavà.

facive la sparecchiocca
già pronte pe te ‘nbunnà
e quanne faciste la nocca
quaccune te potte aiutà.

la careca pesela, pesela,
la scesa era bona ra fa.
fusciste pecchè ‘ngera remela
e nun te putive abbentà.

addreta sembrava Paone,
riavulo pozza appiccià!
potesse ca quiru uaglione,
pe fore, me vene a cercà.

se vaie pe la tufara
se scenne e te puoie rerupà,
attiente a ndu mitte li piere,
cu niente te puoie strafaccià.

rusella è arrevata cuntenta
la primma se po’ sestemà,
cu mmocca na foglia re menta,
presciata se mette a sciacquà.

lenzole accussì prufumate,
e mo s’anna sule truà
scenestre ca stennecchiate,
lu sole re pote assucà

lu sole la vasa nfronte,
maronna la face sembrà,:
rusella, ra sott’a lu monte
mo, stracqua, se po’ repusà.

ma nun se reposa Paone
ch’è stracque, ma sule a penzà:
a tutte re cose cchiù bone
se nzieme putessere stà.

nun sape che bbole l’attane,
la mamma se pote accuità,
lu uaie ca inte a miezze suttane
famiglia nun pote abbetà.

penzanne e penzanne a ste cose,
na cocchia re mierle che fa?
ra inta la macchia spenosa
nu nire se mette a ngiarmà.

nu nire re foglie re rosa,
sul’une lu pote cuvà;
suttane ca tenghe, a la sposa,
pe n’anne le pote abbastà.

sfusciune, sfusciune, mannagge
ste spine me stanne a strazzà,
paone se fece curagge,
rusella se posse a chiamà.

russsaie ca so pronte pe magge
re rose ca stanne a sbuccià,
e se nun nge sta cumpanagge
nu poche c’avimme arrangià.

ruselle acchiappave a Paone
paone se fece acchiappà,
nu vase, re quire buone,
e roppe ve lasse penzà.

nascerene li pulecine
ma l’acqua pe re lavà,
assive ra lu lavandine.
e mò, e mò s’adda accattà.

nms s.t.