Chistu fatto è succiesso overo,
figlio di emigrante americano, 'nu suricillo
'nu juorno cu' 'nu frak nero,
se sentette 'e vulè fa' 'o maritiello.

'Na pulizzate 'e diente...
'na'allisciate 'e baffe...
Nun era stato mai accussi elegante,
ca ogni surecella c'era perd''e staffe.

Chella sera, se sentiva 'nu lione,
girava tutt''o paese
'o core 'nce sbatteva cu' passione,
a' ricerca 'e 'na surecella ca 'nce facesse 'e spese.

Ma niente! Chella serata,
se presentava tutta storta.
Nu' bastavano 'e sserenate,
Nisciuno 'nce aprev''a porta.

Quanno, ormai s'era stancato...
Cu' 'a capa acalata, triste e afflitto
e 'e fa' ll'ammore aveva rinunziato,
se ne turnava a' casa derelitto...

A 'nu puntone 'e 'na fogna 'nu sorece viecchio
'o vede passà e o' chiamma:
< Peppi addò vaje comme 'a 'nu straccio,
che t'è succieso? Haje perzo 'a mamma?>

'O surecillo, cu 'nu file 'e voce:
< So triste, me fa mmale 'o core,
'int' all'uocchie nun tengo cchiù lluce,
nun trovo 'na surecella pe' putè f''ammore.>

< Tiene raggione...Peppi, ma chillo
è 'o Pataterno ca nun tene core...
S'è scurdato 'e nuje, puo' sta' tranquillo...>
< Che c'entra 'o Pataterno s'i' nun trovo ll'ammore?>

< C'entra Peppi, c'entra Lui e l'emigrazione,
chillo 'nci ha mannato 'o tifo e 'o culero,
nun bastavano 'a famma e 'a disoccupazione.
Ha mmiso 'arrevuoto 'nu paese intero.

So' emigrati tutti quanti,
simme rimaste 'e viecchie e 'e ccriature
comme vulevemo J' avanti...
E 'e ccose p''o paese nuòsto se so' ffatte scure.

Po' pe' jonta 'e ruotolo,
pe cumpletà ll'opera , 'o Pataerno
'nci' ha mannato 'o terremoto
e aimmo fatto 'a quaterna.

Quest'ultimo riàlo, 'nci ha vuttato 'e case 'nterra.
'Nci' ha mannato 'int''a disperaziòne
t''a vuo' fottere ll'ultima guerra,
'nci' ha ll'evato 'a forza 'e ogni azione.>

A chesti pparole, 'o surcillo
cu 'e ll'acreme ca dinto all'uocchie l'arruvetavano
se facette 'a mappatella...
E se ne jette a truvà 'na surecella americana.