Oggi pe' putè magnà
'na fatica t'haje pure 'nventà,
ll'ultima c'aggio pruvata?
Me so mmiso a ffa' 'o mago!

Chi me cerc'ammore,
Chi vo' f''a fortuna c''o lotto
pe' cercà 'e cagnà 'a sciorta.
Chi 'e llate vo' 'a morte.

Ma chello c'aggio passato stamattina,
v'aggia raccuntà a puntino.
Nun m'aggi''a mette' scuorno,
aggia fa' 'sta faccia 'e cuorno.

S'è presentata 'na femmena 'ncazzàta
'ncopp''a a sissantina d'anne e mm'ha raccuntato,
tutta infuriata e arraggiata,
c''o marito 'na fattura 'nce hanno azzeccata.

Llaggio addimannato:
< Ma quant'anne tene 'sta scrianzata,
ca se sta cumpurtanne ra dannata,
senza capi 'o mmalo che v'ha accullato?>

< So' ddiece anne ca' stu calice me bevo,
mo ne tene vintesei, sidece ne teneva,
quann''o cunescette
e ' a fattura 'nce facette.

Vuje che decite, m''a facite chesta grazia?
M''a levàte 'a cuollo 'sta disgrazia?
Si me pulizzate 'a chesta pena,
i' ve jenco 'a borsa chièna-chiena.>

< Signò, è inutile c''a tentammo,
'a magia è inutile che ll'ausammo,
verso 'sti ccose nun serve a niente,
putite i' nun m''avit''a niente!>

< E vvuje che mmago site?
Si 'ncopp''a 'sti ccose niente putite...
Vulite vedè ca site 'mpazzuto
e a chella femmena ve site vennuto?>