Vide comme cagna 'o munno:
quanno ero piccerillo
'na scella 'e baccalà o 'nu cucuzziello
era 'o magnà d''e puverielle.

Chello ca ajere nun valeva niente,
ogge ca tutt''è cagnato,
'o ttruove ca costa ll'uocchie
'ncopp''a 'nu mercato.

'A stessa cosa è accaduta
c''o vutta - vutta, int''a ll'umanità:
l'ommo ca nun valeva niente,
ogge è addeventato 'na celebrità.

come cambia il mondo

Vedi come cambia il mondo
quando ero piccolino
un pezzo di baccalà o uno zucchino
era il mangiare dei poverelli.

Quello che ieri non valeva niente
oggi che tutto è cambiato,
lo trovi che costa un occhio
in mezzo a un mercato.

La stessa cosa è accaduta
con le raccomandazioni nell'umanità:
l'uomo che non valeva niente,
oggi è diventato una celebrità.