E' overo! Fu 'o Borbone, 'o galeotto,
a 'nventà 'o bancolotto!
'O popolo nun vuleva pagà 'e ttasse...
E chille accussì 'nce facette 'o salasso!

Po' arrivaje 'o Rre...'A Repubblica...
So' passate tant'anne, pozzeno ciuncà!
Avimmo passato tanti guaje...
Ma 'stu salasso nun se ferma maje!

Gira e vuota, chi adda pagà 'sti tasse?
A chi hanno asciuttà pure ll'osse?
A chi hann''a fa' 'a pumpetella?
A povera ggente, sempe a cchella!

Chi fa 'a fila pe' se garanti 'nu suonno?
E po' rimane fesso comme 'o tunno?
'O pensionato, 'o disoccupato e 'o protestato,
nun l'aggia visto mai fa' a 'nu deputato!

D''a seconda Repubblica m'aspettavo ' a soluzione,
So' arrivate 'e nuove, ma chille pe' cunzulazione,
hanno superato a Leonardo da Vinci
e hanno 'nventato 'o gratta e vinci!

Po' 'nu bello juorno alle ore otto,
'nce hanno affibbiato 'o superenalotto!
Vulite sape' qual'è 'a soluzione?
Turnammo n'ata vota mmane o' borbone.