'Nu miliardo ti sei accucchiato (1)
Nun cuntento, 'n'ato te ne sei stipato.(2)
Ma che faje?
Nun te firme maje?

'A sera mente duorme,
quanno magne 'o juorne,
pure se te faje 'nu suonno
pienze 'e denare senza scuorno.

Ma ti sei guardate maje attuorno?
Ti sei goduto maje 'a vita pe' 'nu juorno?
'O ssaje ca pe' campà
basta 'nu piatto 'e pasta e niente te stipà!

Ma che cazzo curre a ffa'...
Si adoppo muorto niente puo' arraffà.
'O vuo' capi' ca chello che ti sei accucchiato
'o rrimane tutto all'ate?

'A chelli pparte, quanno te vaje a guardà
'int' 'e sacche, niente ce puo' scardà.
T'accuorge ca pure 'o cchiù pezzente,
a chillu munno, verso 'e sorde è indifferente!

Fesso! 'Mparaviso t'adduone
ca chello che haje fatto so' sule guaje.
Ca nun haje sapute campà
e c''o Paraviso, steve propeto ccà! (3)

note:
1-Accucchiato ( mettere da parte, risparmiare, conservare)
2-Stipato ( conservare)
3- propeto ccà ( proprio qui sulla terra)