spiecazione A' paggina janca
Nun ci avite capito niente?
Ognuno 'e vuje, chello ca vo',
'nce po' leggere cu' sentimiento.
Vulite sape' 'a ro' ll'aggio cacciata?
E' stato propeto ajere vedenno certi ccose
ca ll'aggio inventata.
Visitaje int''a 'na zona,
'na mostra 'e arte moderna,
e aggio capito 'sta canzone...
Nu 'nce vo' 'na grande invenzione,
p'essere 'n'artista, basta ca piglie
'na cosa...E ffaje 'a criazione.
Aggio visto:
'na tela tagliata e incorniciata,
'nu piezzo 'e cartone mappuciato.
Pe' terra 'nu sacco arravugliato,
'nu compensato 'nchiaccato
cu' 'nu piezzo 'e ciucculata...
'Na seggia senza 'nu père
c'allerta nun se mantene...
'N'armadio scassato...
'Nu piezzo 'e fièrro chiejato.
C''o cerevièllo fuso,
i' comme a vvuje p''a poesia mia,
nun ci' aggio capito niente a vedè 'sti ccose.
Hanno fatto l'artista...
Aggio penzato ca pe' ffà 'nu pueta,
basta 'nu foglio 'e carta
senza scrivere niente, pure se sei anarfabeto.
Ca 'nce legge quaccosa,
ce sarrà sempe 'nu fesso
'int''a 'sti ccose.
I' cu' 'nu foglio 'e carta janco sicuramente,
cu' ll'aiuto 'e 'nu critico d'arte moderna...
'Nu grande pueta addevento!