'A sagliuta

I' saglio dduje scaline
e ppo' ne scenno uno,
ne saglio uno a ppasse piccerille
e ne scenno dduje.

Che cazzo! Pure si nun me scapizzo
nun arrivo maje 'ncopp''a' scalinata?
E' cosa ca 'o primmo pizzo
se ll'hann''a fotte' sempe ll'ate?

'Nu bello juorno a' 'ntrasatta
facette 'sta penzata: a zzumpe
'e ssaglio a quatto a quatto
'e scaline 'e chesta scalinata.

Accussi pure se ne scenno
dduje, ne saglio quatto,
e pure i' arrivo, zumpanno - zumpanno
a' fine d''a sagliuta.

Finalmente pe' 'na vota 'e ffotto
a tutte 'e raccumannate.
Quaccuno abbascio 'o votto
e cagnammo 'a solita sunata...

'O ffacetto subbeto chella matina...
Ma all'urdemo scalino 'ncappaje
'ncopp''a 'na scorza 'e mandarine
e mme truvaje o' spitale 'E pellerine.