Si putesse turnà a nascere,
quanta cose nun facesse,
quanti sbaglie arreparasse
si nascesse nata vota.
accumminciasse nata vita,
cammenasse nata strada,
ati pporte, ati sscale,
dint'a mille scarpe nove.
cierti vote m' 'o dimanne,
io, luntano a tuttu quante,
comm'immaginasse 'a vita...
si m' 'o permettesse Dio...
...ma pò, me fermo e ddico:
e tutt' 'o Bbene
ch'aggio avuto?...
e sacrificie 'e chi
'int'a me à creduto?...
'e ricordi, 'e rresate,
e chello che me so' 'mparato?...
'e pazzie cu 'e cumpagne,
che 'nzieme so crisciuto?
e chilli che
già me vonno bbene,
eppure ajere,
l'aggio cunusciute?
tutt' 'e ccose belle,
che teng'annascuse
dint' 'o core,
comme nu tesoro?
'A vita è una sola
e si turnasse arreto,
fosse chella 'e nato...
chesta ccà è 'a mia
cu 'o bbuono e 'o mmalamento
chella campata 'a 'n ommo
che nun rinnega niente...