Tien a vocca a cerasiello
e guance sempe chine e fuoc
l'uocchie, l'uocchie so dui puzz
senza funn, pecchè allora tien
semp paura r'ogni cosa?
si bella quanno m'aspiett' a sera
rir, e te muov tutta quanta
m' aspiett, comme s'aspett o' sole
e ie me sento comme nu' marenaro
nu' marenaro che torna a' casa....
e' strade mie nun song e toie
ie rong cavici a ogni cosa, corro
corro semp, pe nun ghi a nisciuna parte
e penso, penso sempe a chesta vita, che me sta
accussì stretta, te vulesse spiegà ma nun trovo
e parole, m'arrenn allora a sentirme accussì sul,
e te guard, te sent, e chianu chianu m'accuntent
stasera a luna pare che pazzea rint'o ciel
cu chesti nuvole che parono munaciell
comm'è bella, e comm'è brutta a vita
comme simme sul tutt' quant
e pens allora ca ce simme incuntrati a'mezza via
pe nu' mument sul, e stu mument mò
è tutt' a vita mia
- Attualmente 3.7/5 meriti.
3,7/5 meriti (10 voti)
