Premio speciale alla II edizione del premio "Igino Giordani"
di G. Guarino

Dedicata ai caduti in miniera.

Ho! Poviru surfararu svinturatu
ca quannu chiovi pari ca abbona abbanna siti
cumu è amaru stru pani da scuttari
pinsannu a chiddu ca t'aspetta ppi putiri fari 'na jurnata.

Passu doppu passu ttjincammini ppi la via
e quantu strata ppi putiri arrivari finu a Trabbuneddra,
'ncapu i spaddri curvati purtavj lu tascappanu
chinu di pani, quattru aregni e puru l'olivi
ppi scumpassiaritilli tutta a simana.

Ho! Poviru surfararu svinturatu,
ca quannu chjovi assicurata aviti la jurnata,
puru si scinni di lu cielu 'na nivicata o sta diluviannu
tu drassutta a lu riparu intra nna galleria ti nni staj.

Ppi pruteggiri li pedi di la lavina
ti mittivatu li fasci di lana ccu li scarpi canzati
ch'eranu fatti di 'na rota di machina abbannunata
ca li facisti tu 'na duminica mmatina.

Quannu eratu d'jntra la pirrera
lu lustru ti faciva 'na lucerna di citilena,
la purtavi sempri ccu tia, ppi putiriti alluminari la via.

Ma, ogni curpu di piccuni ca sbattivi
sintivatu trimari li mura di la gallarja
e tu, trimannu paurusu ccu l'occhi sbarracati
ti rivurgivatu a Ddju ccu tanta umiltà dumannavi
d'aviri pietà e nn'abbannunari stu poviru figlju.

Ddju ppi angjlu prutitturi ti mannava santa Barbareddra,
sutta lu so mantu ti mittiva e sempri ccu tia stava.
Ho! Santa Barbareddra, tu impluravatu
cca ddrassupra 'nsemmula a Ddju staj
assuta la vampata di lu focu
e salva stu poviru figlju surfararu.