Avè a che fa cu l'opportunista c'ò tiempo
ce pierd'à dignità e pur'à vista,
guarde ch'è paraocchi comm'è cavalli
senza pensà a niente guarde sul'annanze.

male a persona che l'hà ncùntrata
na vota rint'à vita è stata fregata,
chi ten'ò core e l'anima nnucente
ce pò cadè rint'à bbrace facilmente.

aropp'è difficile nun po chiù scappà
ormai s'è bruciata int'ò ffuoco da falsità,
a indossà tutt'è buscie vestit'à festa
sadd'à tenè l'anima nera e infausta.

però a cuscienza l'adda muzzecà
nott'è ghiuorne specie int'à l'oscurità,
senza truvà pace nu sul mumento
addà campà ncoppìà nu rasoio tagliente.

marygio