L’anne volano comm’ ‘o viento,
passa ‘a vita a ciento all’ore,
c’ ‘a fatica.’e penziere,
‘e preoccupazione pe figlie…
e accussì cinquant'anne
sò passate vulanno.
Spisso pienze a tant’anne fa,
quanno tutto pareva facile,
pecchè ce steva ‘a giuventù,
a felicità e ‘a speranza
‘e nu futuro positivo
e chino ‘a fantasia.
Era pussibile tutto
int’ ‘a sta capa toja.
Mò, guardannete ‘o specchio,
vide ‘e segne d’ ‘o tiempo,
l’anne che so passate
te pesano int’ ‘a ll’ ‘osse.
Addò sta chella bella giuventù?
nun te faceva paura niente,
né ‘a fatica, né ‘o dulore,
tenive tanta forza!…
Però, penzannece bbuono,
nun te può lamentà,
pure mò, doppo tant’anne,
tiene ‘a forza ‘e suppurtà
sia ‘a fatica che ‘o dulore
cu’ ‘ll’aiuto do Signore.

Scritta per mia madre per un anniversario anni fa...(purtroppo ora lei non c'è più)