Lu zuccaru ca vitti chista vota
Di certu nn’havi prezzu ntà stu munnu
È duci assai e russa havi la gota
Tutta biddizza e biunni i ricci sunnu

È bianca i carni comu prima nivi
Fina di facci e nicu havi lu visu
Ca ti talia e ti vasa quannu arrivi
Cu la vuccuzza china di surrisu

Di certu ‘nta sta terra n’havi pari
Stu ciuri friscu, prima niputedda
Cchiù di lu suli l’occhi fa cicari
Quannu la viu di prima è assà cchiù bedda