Pi l’ultima di tri pi discinnenza
E certu pi duviri i parintatu
Ma giustu pi un fari differenza
A scriviri dui strofi fui obbligato

Sulu pi idda dicu a virità
Scriviri mi vinni n’pocu strittu
Ma forsi picchi è ultima di età
Di na poisia c’havi cchiù dirittu

Assai la vogghiu beni comu na figghia
Sunnu li beddi occhi comu faiddi
Ca t’abbagghianu e pari c’assimigghia
A n’ancilu c’abbrilla mmenzu a li stiddi

Li so capiddi parinu un giardinu
Chinu di frutta frisca e riccu di ciuri
Lu nasu n’pocu 'npizzu e malantrinu
Rubina la vuccuzza ca ci riri

Villutu raru e sita assai prigiata
Un granni sartu la cusiu cu cura
Sta peddi e l’ha confezionata
Con mano lesta ferma e assa' sicura

Artista e mastru di la chirurgia
Si misi li punseddi ‘ntra li manu
Pi darici un culuri e già sapia
Ca iddu è certu mugghi di tizianu

Un fici granni sforzu stu pitturi
Pi darici na forma, ciatu di ziu
Bastò sulu la razia e lu so amuri.
Sapiti cu è l’artista?Lu Santu Diu