Nica nicuzza nicaridduzza
Russa di focu havi vuccuzza
Beddi li occhi culuri rari
Janca la peddi d’accarizzari
Mi cerca si vota e si rivota
‘llonga li vrazza, ‘arriccia la gota
Chianci e fa nghiù quannu mi viri
Iu mi l’avvrazzu e subitu riri
Nica nicuzza nicaridduzza
Stanca a lu pettu posa tistuzza
Abballaria, sata e smania
Po’ s’addummisci stritta cu mia.
Fatta è di sita e tantu amuri
Ciari di gioia ciari di ciuri
Bedda si tutta sanguzzu miu
Curuzzu duci curuzzu di ziu