Chiove, ma comme chiove!
Si nun fosse pe' tutte sti sciure
e pe' risate de' figliole nnammurate,
nun credarrìa ch'è quasi primavera.
E chiove...e l'acqua scorre e scorre
e 'a sento 'e sbattere ncopp' 'a pennata
e me pare 'e sentì nu tamburo ca sona
...o forse è 'o core mio che sbatte? Chissà.
Te penzo....e tu me stai luntano,
stai nziem' 'a n'ata, 'o saccio....
e l'acqua nun 'a siente, nun siente niente
e 'o pensier' 'e me manco te sfiora.
Diceno che 'a femmena è busciarda,
ma nun è overo,'o saccio p'esperienza.
Io sò stata cu te sempre sincera,
ma tu sì 'ngannatore e sì busciardo.
Vulesse da dimane truvà 'na bona sciorta,
nun pensarte cchiù e vulè bene a n'ato
ca fosse cchiù sincero e me vulesse bene
sinceramente e sulo sulo a me.


Piove

Piove, ma come piove!.
Se non fosse per tutti questi fiori
e per le risate di ragazze innamorate
non crederei ch'è quasi primavera.
E piove...e l'acqua scorre e scorre
e la sento sbattere sopra i tetti
e mi sembra di sentire un tamburo che suona
.....o forse è il mio cuore che sbatte? Chissà.
Ti penso.....e tu mi stai lontano,
sei insieme ad un'altra, lo so.....
e l'acqua non la senti, non senti niente
ed il pensiero di me neanche ti sfiora.
Dicono che la femmina è bugiarda
ma non è vero, lo so per esperienza.
Io sono stata con te sempre sincera,
ma tu sei ingannatore e sei bugiardo.
Vorrei da domani, avere una buona sorte,
non pensarti più ed amare un altro
che fosse più sincero e mi volesse bene
sinceramente e solo solo a me.