De zorno i me ricordi
i zé intanài cofà nòtole,
i stà a testa in zo
drento ai busi negri de la memoria,
i stà involtolài in mezo a le ròe,
i se rànpega tra le balète de i cipressi,
i se desfa ne'l susùro de l'aqua corènte
de'l fiume che se perde in mile gorghi.

A nòte fònda ne'l cavàlo sbrenà de i silenzi
i vien fora come zoèta pièna de fame
a sbregàr l'ànema,
a pituràr de nòvo musi ormài scanselài,
a frugnàr ne'l palù de i rinpianti,
i me rissàlta cofà s'ciàpi de brèspe
rabiòse,
le me pònze
e el cuor se sgiònfa pien de sospìri
e 'na làgrema bagna el cussìn.


Di giorno i miei ricordi
sono rintanati come pipistrelli,
se ne stanno a testa in giù
dentro ai buchi neri della memoria,
se ne stanno avvolti in mezzo ai rovi,
s'arrampicano tra i galbuli dei cipressi,
si sciolgono nel mormorio del fiume
che si perde in mille gorghi.

A notte fonda nell'orgia dei silenzi
escono fuori come civetta affamata
a lacerare l'anima,
a ridipingere visi ormai cancellati,
a rimestare nella palude dei rimpianti,
m'assalgono come nugoli di vespe rabbiose,
mi pungono
ed il cuore si gonfia pieno di sospiri
ed una lacrima bagna il cuscino.