Che tristezza ca me vene
quanno veco a tanta gente
che fa solamente 'a guerra.
Ma pecchè so' toste 'e core?
So' puntigliose,
nun cercano maje scusa,
teneno sempe raggione
e nun sbagliano maje.
Comm'è difficile a essere felice!
Si pienze ca spennenno poco o niente
può essere cuntento;
cu nu surriso e na parola doce
nu poco 'e bene
te trase dint''o core e staje a posto.
Si ncopp''a 'sta terra
staje sempe a fà guerre
e nun pruove a seguì Cristo,
na vutata e na girata...
te truove cundannato
a sta sulo e alluntanato
e dint''e mmane 'o riesto 'e niente.