TERRA D`AMURI
( scusa ma mi viene difficile fare la traduzione )

Sugnu Sicilianu e minni vantu
picchi la Sicilia è terra d`onuri
dunni vaui, vaui sempre cantu
Vitti `na crozza, e anchi sciuri sciuri

Cantu di Segesta a Taormina
la storia d`ogni paisi sacciu a menti
iu chi nascivu ad`Alcamo marina
di tutti sti cosi sugnu canuscenti


Sacciu di li vichinchi e farauni
di quannu la Sicilia fu `mpustata
li Città li canusciu a una una
e di li Paisi sacciu ogni cuntrata

Trasenni di lu strettu, vui viriti
Messina cusuta, cu li so comuni
pari chi vi sunnati, un ci cririti
li cosi d'arti chi sunnu ogni cantuni.

Dopu, li novi pruvinci visitamu
Caltanissetta, Enna e Siracusa
na notti ad`Agrigentu ni firmamu
e dopo virimu Trapani e Ragusa

Anchi si fora manu unni scurdamu
Catania, Palermu e Messina
e siddu ni pirdemu dumannamu
a na bedda Siciliana signurina.

Amici vi lu cantu a tutti quanti
terra d'muri e la me Sicilia
nuvatri a cu tinimu avanti
ci cantamu sturnelli e poesia



di: Vito Bologna

http://alcamo44.blogspot.com/