Sciùre ‘miez’’a grammègna
vucchèlle arravugliàte ‘a gnucculillo
nasìll atturcigliàt a fisarmonica
sempe n’fuse comm’’e nù cacciuttièll
de vierno e de staggion.
Manèlle ca t’affèrrano,
tirannete ‘e capìll, e schiòcc’ ‘a schiòcc
‘o sciàto te suspirano int’’e ‘rrecchie.
Quant so bbell,
nisciùna razza, casta o nubiltà.
E né vigliàmm nott pe nù poc ‘e freva.
E spantecamm quanno p’ nù par’’e juorn
nun toccano nemmèn nà mullìca ‘e pane.
‘E figlie nuòst so ‘e figlie ‘e tutt’’o munno,
so tutt’’e stess, nisciùn ‘e meglio ‘e n’ato.
Ognùn quann’è nnàt
d’’e lacreme ‘e nà mamma s’è lavàt,
ca doppo avè suffèrt l’astrignùt m’pietto
facennele sentì l’ammore prìncipe
che l’’araprùte ‘e port ‘e chesta vita.
E mò sta ‘a nnùje,
so pèrle stì criatùre,
nun’’e spurcàmm, no,
p’ammore ‘e ddio,
nun’’e spurcàmm.