(versione in poesia di un sentimento
espresso da Antonio Serpi)

Comm’ a ‘nu suono ‘e campane,
comm’ a l’ addore d’ ‘o ppane,
comm’ a ‘nu surzo ‘e cafè,
‘sta voce che sento ch’d’ è.

Cu’ ‘na luce ch’arriva ‘int’o lietto
che me porta luntano luntano,
quanno ancora vulevo ‘e cuperte
pe’ cercà ‘e m’aizà chianu chiano.

“So’ sapurite ‘e céveze!”
alluccava ‘sta voce ‘e paese
quanno ‘e frutte o’ principio d’ ‘o mese
so’ bbuone pe’ c’ é magnà,

‘nu viecchio vestuto ‘e campagna,
cu’ ‘na giacca a quadrette ‘e fustagna,
e ‘nu cesto ‘e fascine ‘e campagna,
‘nu surriso pe’ tutti ammiccante
pe’ cercà ‘e accuntentà tuttu quante.

Songh’ ‘e voce d’’a gente ‘e ‘na vota,
chesti voce c’ ‘e simmo scurdate,
ma ‘e tenimmo astipate ‘int ‘o core,
‘int a ‘n angulo ‘nu poco annascuso,
ma ‘n addore o ‘na voce luntana
ce riportano ‘o tiempo perduto