Ce steve ‘na città
cu tanta bbona gente
ma è stata abbandonata
e nun ce stà cchiù niente.

Chella civiltà
ch’’a cantato tutt’’o munno
ce ‘a putimme scurdà
ch’è ghiuto tutto ‘nfunno

Sultanto cu ‘e ricorde,
nu poco cu ‘e canzone,
ce stà chi nun s’’a scorda,
ma è sulo pe’ passione.

Chitarre, manduline,
‘a pizza e ‘o puti pù,
so’state ‘na furtuna,
ma nun se ne po’ cchiù

Si penzo ‘o passato
me vene ‘a nustalgia,
ma ‘o munno ha cammenato
nun se campa ‘e fantasia.

S’’anna risolvere ‘e probleme
e chiste ne so’tante,
si ce mettimme ‘nzieme
‘e sanammo tuttu quante.

Camorra, malavita,
nun c’’anna fa paura,
accunciammo ‘sta città,
stammo tutte cchiù sicure.

Ca po’ cu ‘a sicurezza
guardammo assaje luntano
fermammo l’incertezza,
risaglimmo chianu chiano.

Si ce danne l’occasione,
l’intelligenza nun ce manca,
facimme cose bbone
pecchè ormai ‘a gente è stanca.

È stanca ‘e l’icona
‘e chi nun vo’ fa niente,
‘a chi nun le perdona
ca ‘o stesso tira annante.

Vuttamme ‘stà carretta,
facimmela saglì,
ca cchiù nun ce danno retta
e cchiù nce n’amma ascì.