‘E vide ‘mmiez’ ‘a via
cammenà senza ‘na meta.
Nu diploma dint’ a sacca
penzanno a che ne ponno fà

Poveri ‘uagliune, che se mettono
scuorno, a l’ età lloro,
‘e cercà ancora ‘e sorde
‘e genitori.

Qualcuno se vò iscrivere all’Università,
pe’ passà ‘o tiempo
pecchè se sape che non servirà.

Poveri ‘uagliune! Ann’ ‘a passà
‘a jurnata, e ‘a notte
projettano dint’ ‘e suonne
‘nu desiderio che nun se po’ avverà.