scusate, permettete?
ve fermo ‘nu minuto…
spèro niente è perdùto,
…ce ‘o voglio fa’ sapè!

purtate ‘sta ‘mmasciata…,
faciteme ‘o favore,
dicitele ‘e ‘st’ ammore
a chi me fa murì.

stongo suffrenno assaje…
…vuje certo me capite!
se vuje ‘a cunvincite
…forse, torna addo me.

dicitencelle vuje
ca ij so’ ‘nnammurato!
ma se già tene a’ ‘n ato
no, …nunn ce ‘o ghiate a dì…!

ve chiedo sulamente,
se n’ato se ha truvato,
vuje nunn ‘a salutate…,
…facitelo pe’ me!