nannì mò ‘n ata vota me lassato
‘e tutto chisto ammore te scurdato.
tu me giurato nun te lasso maje
ma ogni tanto… lasse e te ne vaje!
mò passe e spasse sotto a ‘stu barcone
pe’ sotto ‘o vraccio co’chisto ‘uaglione;
…me ‘o ffaje pe’ dispietto - e chesto è vero –
pecchè ij soffro assaje… so’ sincero!
te veco tutte ‘e juorne ca tu passe…
me ‘o faje apposta ca te ‘o puorte a spasse…
‘O ssaccio che me ‘o faje pe’ dispietto
pecchè tu nunn ‘o tiene ‘o core ‘mpietto!
però ‘sta storia comme è ghiuta è ghiuta,
…‘sta vota, veramente s’è fernuta!
…‘Sta vota te ‘o ddico ij ca nun ce torno!
…Haggio sufferto troppo notte e ghiuorno,
e a chisto punto saje che te dico:
me sa che dice bbuono ‘o ditto antico:
“Ncoppe a ‘sta terra ‘a quanno ‘o munno è munno
chi nasce quadro nunn po’ murì tunno”.