te guardo ‘a sera cu ‘stu chiaro ‘e luna
‘a chisto scoglio ‘n coppe Mergellina,
atturniata ‘a brezza da friscura,
e veco annanze a ll’uocchie ‘sto splennore.

uocchie lucente so’ ‘stu mare blu.
‘Nu labbro apierto pare ‘sto Vesuvio.
‘Na vocca rossa so’ pe’ mme ‘sti rrose
che t’hanno arrialato pe’ ciardino.

me sento nnammurato ‘e ‘sti bellizze
ca tutte ‘e juorne m’addimustre tu.
‘Ncantato ij resto mentre cca t’ammiro
e nunn riesco a’ casa a riturnà.

restasse notte e ghiuorne ‘nnanze a tte.
nunn me stancasse maje ‘e te guarda,
e mentre m’alluntano ‘a chesti rrose…
me ne scippo una pe’ t’arricurdà.