‘A tiempo stò cercanno
l’ammore e nunn ‘o trovo…
‘sti iuorne se ne vanno
e nunn se fa truvà!

a tutte metto spia…
pe’ mmare e pe’ muntagne;
…stò giranne ogni via
ma nun saccio addò stà!

‘A speranza è fernuta!
me stongo rassignanne…
…‘sta cosa è risaputa:
io sulo haggia restà!

ma, dice po’ ‘stu core:
nun perdere ‘a speranza
…arrivarrà l’ammore…
…maije ‘e furnì ‘e cercà...

ma ormaje ij nun ce credo…,
ccà ‘o tiempo stà passanne….
…cchiù ‘e chesto nun ve cerco:
me voglio ‘nnammurà!