Ij scrìv’…, scrìvo sempe
mettennece armunìa.
scrìvo paròle doce
chiammate: Poesìa.

scrìvo cummedie allere,
…canzone appassionate,
…m’apparto sulitario
perdennece ‘e nuttate.

ij scrìv…’, scrìvo sempe
si staje… o’nunn’ ce staje...
scrìvo pe’ tte rumanze
e nun me stanco maje.

scrìvo pe’ tte muntagne
‘e lettere d’ammore
e, appassiunatamente,
ce metto tutt’ ‘o còre.

ij scrìv’, scrìvo sempe
…me ‘o ssento ‘a dinto ‘e vvene,
e scrivarraggio sempe
pecchè te voglio bbene!

scrìvo fin quanno mòro,
e scrìvo saje pecchè?
pecchè ij quanno scrìvo…
stong’ penzanne a te!