‘Intrasatte m’appare ‘na scena
che maij cchiù me putesse scurdà!
uè chill’ ommo m’ha fatto ‘na pena…
che stù core m’ha fatto squartà!

s’è accustato all’altare ‘stu pàte
che chiagnenne se mìso a prià;
…pure ‘a figlia cu isso ‘a purtato
che teneve poch’anne d’età’.

‘A teneva astrignuta ‘inte ‘e braccia
e diceva: Marò le salvà…!!
senza ‘e essa Marò ij che faccio?!
se ‘a vuò… primm’ a mme te piglià!!

tu già ‘o ssaje ..sta bbona malata…
ma se mòre po’ resto sul’ij…!
pure ‘a mamma Marò te pigliata…
…famme ‘a razzia nun farl’ ‘a murì!

lassamella co’ mme chesta figlia
che Marò ij nu vùto te faccio:
se m’he ‘a lasse, e cu Te nun te ‘a piglij,
…vaco scauzo purtannela ‘mbraccio!

‘Intrasatte se ‘ncanta ‘sta ggente…!
…Manco ‘o prevete riesce a parlà!
‘Inte ‘o silenzio ‘e ‘sta folla se sente…:
facce ‘a razzia, …fancell’ ‘a campà!!

tutt’ quante se so’ addenucchiate!
…Nun ce stata cchiu ‘a voglia ‘e parlà.
pur’ a mme chistu core ha ggelato
e… me so’ addenucchiato a pregà!