Abbracciame cchiù fforte!
…Cchiù fforte ancora 'e quanno
stamme faccenno ammore,
...'e quanno tra di noi
'o “mare” resta calmo
e nun ce sta tempesta.

abbracciame cchiù fforte!
strigneme pure quanno
stamme 'ncazzate nire
e sulo pe' currive
restamme appiccecate
pe' ore e ore sàne.

abbracciame cchiù fforte
si stamme appiccecate,
se no ij me ne mòro
se nunn me staje vicino,
pecchè io vivo 'e te!
...Si l'aria che respiro!

abbracciame cchiù fforte!
…Tu stamme cchiù azzeccata...
appena ca me vide
miettete cchiù vicina
…sulo accussì capisco
che ‘o vèro me vuò bbene!