Quann'uno è ppàte è sempe 'na gran gioia,
pur si te cumporta sacrificie;
…t' abbracce 'a croce quanno 'o fatto è "niro",
e cirche sempe 'e fa' comme vò Ddio.

si tiene ‘e figlie tiene tutt' cose.
…Pe' ddinte a’ casa tiene l'alleria.
te "squaglie" se 'nu figlio t'accarezza
e chiagne pe' nu vàso all'impruvviso.

quann'uno è ppàte maije trova pace
quanno‘nu figlio parte e va luntano
o' quanno a sèra ancora 'n s' arretira.
...Nu nzierre ll'uocchie, 'a notte, … 'n arrepuose.

‘O posto suoje suoffre 'e ppene amare
quanno nu figlio tène 'nu prubblema,
…senza frèva tiene 'o "friddo 'n cuollo"
quanno, malato, 'o tien' a te vicino.

quann’ uno è ppàte allora te capisce,
comme se soffre quanno se vò bbene;
…quanno annascuso preje annanze a Ddio
che succeresse ‘o mmale sulo a te!