Papà,
tu che nunn’ me fatto maje 'na carezza,
pecchè dicive, cu 'sta "capa tosta":
"Pe' mme 'e figlie se vàsano 'n zuonno",
mo ca te vèco sulo dinte 'e suonne,
te cerco nu favore gruosso assaje,
pecchè me sento triste chesta sera:
fammillo 'nu carizzo piccirillo!
famme 'o senti 'o calore 'e chesti mmane!
sfiorala 'sta faccia pe' 'na vòta!
dammillo 'nu vasillo azzicco, azzicco!
famme 'o sentì cu 'e vàse 'o ciato tuojo,
'stanotte mentre dormo a suonne chino!
abbracciame cchhiù fforte che può fa'!
famme sentì, almeno pe' 'na vota,
chello ca se prova dinte 'o core
quanno 'nu pàte te tène astrignuto.
famme ‘a passa, stasera, ‘sta tristezza!
famme scetà cu 'e llacrime 'e 'sta gioia,
e chiagnere ‘na vòta 'e cuntentezza.