Sto tremmanno, …stongo muscio!
me scunocchio dint' 'e ccosce!
tengo 'a freva e pure 'a tosse;
…vuò verè... teng' 'o virus!?
teng' 'a faccia comm' 'a cera.
‘O vvì lloco mò succer'...!!
'Sta paura mò me fotte!
...Ij me sto facenno sotto!
me credite? sto tremmanne!
…Penzo già che sto murenno.
me so' miso annanze 'o specchio
e già vèco 'utt' pellecchie.
cu 'sta faccia rossa, rossa
già me vèco dinte 'a fossa!
'O ssapevo ca 'o pigliavo...
troppo bello se 'o scanzavo...
ij già stongo miso 'n croce,
…m'ha acchiappato doce, doce!
ce mancava mò sul' isso...
'sto sfaccimm' ro virus!